StuTS

Welkom óppe website vanne StuTS

Übersetzung: Gino Morillo Morales

De Studentische Tagung Sprachwissenschaft (StuTS, in ’t Limburgs Studentenconferentie Taalweitensjap) is ’n onaafhankelijke Duitstalige en deils Ingelstalige conferentie veur diverse taalkundige gebeeje en vinjt eine kier per semester plaats op ‘ne universiteit in Pruuses of ein van de umliggende lenj.

’t Doel vanne StuTS is um sjtudenten oet allerlei vakgebeeje die mit taalweitensjap te make höbbe biejein te bringe en häör de meugelijkheid te gaeve um zich te liere kenne en kennis oet te wissele.

De reis nao de conferentie weurt meistal door de deilnimmers zèlf betaald, mèr de organisatie sjtèlt traditiegetroew ’n verbliefplaats besjikbaar, biej biejveurbeeld sjtudenten die inne desbetruffende plaats woeëne, in hostels of gymzalen. Ontbijt en middigaete zitte meistal biej de pries inbegrepe.

De StuTS richt zich zowaal óp weitensjappelijk óngerzeuk es óp sociale activiteiten tösse sjtudenten. Sjtudente kènne euver ’n bepaold óngerwerp van häor eige ongerzeuk sjpraeke, biejveurbeeld häöre scriptie of eige vakgebied, óf zie kènne biejveurbeeld ‘ne korte vertaalworkshop gaeve. De StuTS is ‘ne unieke kans um häör ideeën te presentere in ‘ne informele umgaeving, zónger de drök van ’n cursus óppe universiteit of de aanwezigheid van beroemde experts.

Ein van de hoeëgtepunte vanne conferentie is de laezingen van keynotesjpraekers. Dit zien meistal bekende professors vanne lokale universiteit. Zie kènne häör óngerzeuk en ’t óngerzeuk det aan häöre universiteit weurt gedaon presentere aan sjtudente van angere universiteiten.

Es lètste kriege sjtudente auch de kans um de sjtad wao de conferentie georganiseerd weurt te liere kenne door biejveurbeeld ‘ne tour door de sjtad of euver de campus en door de brunch aan ’t einde.